ഇന്നേക്ക് ഒരു 34 വര്ഷം മുന്പ് .. കേരളത്തിലെ ഒരു സുന്ദര ഗ്രാമത്തില് ഒരു മീനചൂടുള്ള ഉച്ച സമയം ..
ഏകദേശം ഉച്ചക്ക് 2 മണി . ഒന്നര വയസുള്ള മകളെ ഉറക്കാനും നടു ചയ്ക്കാനും എന്റെ അമ്മ കിടന്ന സമയം . എന്നെ
പാടിഉറക്കി ഉറക്കി അമ്മ പാവം ഉറങ്ങി പോയി. ഒന്ന് രണ്ടു തവണ ഞാന് ചിണുങ്ങി നോക്കി , കൈയും കാലും ഇട്ടു അടിച്ചു നോക്കി ..എഹേ .ഒരനക്കവും ഇല്ല ..കുഞ്ഞികൈകുത്തി എനിറ്റിരുന്നു അമ്മേടെ മുഖത്ത് നോക്കി ചിരിച്ചു നോക്കി ...ഇല്ല ഒരു മൈണ്ടും ഇല്ല..
ഇല്ലേ വേണ്ട..നമ്മക്ക് വേറെ പണിണ്ട് മാഷേ .. പയ്യെ അവിടന്ന് ഊര്ന്നിറങ്ങി ..മുട്ടില് നടന്ന മുമ്പോട്ടു നീങ്ങി.. കയ്യില് തടഞ്ഞ പൊടിയോ ഉറുമ്പോ കിട്ടിതാകട്ടെ എന്ന് പറഞ്ഞ വായിലാക്കി മുന്നോട്ട് പ്രയാണം തുടര്ന്നു.
അപ്പൊ ഉണ്ട് മുമ്പില് മുത്തച്ഛന്റെ കസേര ..മുത്തച്ഛന് അതുമേല് ഇരുന്നു ഓരോ ക്രീയകള് ചെയണ കാണാം .. ആ നേരം വാവേ കളിപ്പിക്കാന് മുത്തച്ചനെ കിട്ടില്ല..ആഹ ..എന്നാ നമക്കും അറിയണല്ലോ ഈ കസേരെലെന്താ ഇത്രക്കൊരു ഗമയെന്നു. ഒട്ടും അമാന്തിച്ചില്ല വലിഞ്ഞു കേറി. കൊള്ളാല്ലോ സാധനം ..ഇപ്പൊ വാവക്ക് അമ്മേടെ ഒപ്പം പോക്കയോ? ഇല്ല ..ഇചിരികൂടെ വേണം ..എന്നാപ്പിന്നെ മേശേയുടെ മേലോട്ട്ട് കേറാം എന്താ ..ആഹാ ഇപ്പൊ കൊള്ളാം..
സന്തോഷം സഹിക്കാന് പറ്റാണ്ട് മേശെ രണ്ടു തല്ലു തല്ലി.. അമ്മ എന്നട്ടും സുഖം ഉറക്കം ..പാവം ഉറങ്ങികൊട്ടെ ..നമക്കിവിടെ ഒക്കെ ഒന്ന് കാണാം അപ്പോളേക്കും .. ഹായി അതെന്താത് മൂലയ്ക്കെ കൊള്ളാലോ സാധനം ..ഇതൊക്കെ കൊണ്ട മുത്തച്ഛന് കളിക്കണേ.. ഞാനും നോക്കട്ടെ..എന്റെ കിലുക്കന്റെ മണിപോലെ നിറമുള്ള ഒരു സാധനം ഇത് കൊള്ളാലോ ..വാവക്കാനെങ്കി വിശക്കുന്നു ..അമ്മ എനിട്ട് ഇങ്ക് പാപ്പം തരണ വരെ ഇത് കൊണ്ടാകാം .. എടുതിട്ടു വായില് ..പിന്നെ...............
................................................... അമ്മേ..അച്ചമ്മേ ..മുതച്ചാ..അഛാ ..എല്ലാം ഒറ്റ വിളിയില് വിളിച്ചു ..പക്ഷെ ക്രാ എന്നൊരു ശബ്ദം മാത്രമേ പുറത്തു വന്നോള്ളൂ.....
എന്തായാലും വാവേടെ ആയുസ്സിന്റെ ബലം ..അമ്മ എണീറ്റ്..പൊന്നുമോള് വായും പൊളിച്ചു കണ്ണും മിഴിച്ചു ഇരിക്കണ കണ്ടു അമ്മ ഞെട്ടി ..പെട്ടന്നെനിട്ടു കാലില് തൂക്കി തലേം കുത്തി പിടിച് അലറി ..ഹേ ഇവരെന്താ ഈ കാണിക്കുന്നത് എന്റെ തോണ്ടെല ആണ് പ്രശ്നം കാലില് അല്ല ..അച്ചമ്മേ രക്ഷിക്കണേ
ഞങ്ങള് രണ്ടു പെരുടെം കരച്ചില് ഫലിച്ചു ..അച്ഛമ്മ ഓടി എത്തി..സ്ഥലകാലവിവരങ്ങള് പെട്ടെന്ന വിലയിരുത്തി rapid action അച്ഛമ്മ കുഞ്ഞി വായില് ചൂണ്ടു വിരല് കയറ്റി ഒറ്റ വലി ..ദാണ്ടേ കിടക്കനു ഞാന് കഷ്ടപ്പെട്ട് വിഴുങ്ങിയ സാധനം ..
" എന്റെ മോളെ നിനക്ക് ബള്ബ് മാത്രേ കിടിയോല്ലോ വിഴുങ്ങാന് ..അതും മുള്ളുള്ള അലങ്കാര ബള്ബ് "
എന്തായാലും സംഗതി വെളിയില് പോന്ന ആര്മാതത്ത്തില് ഞാന് ഉച്ചത്തില് കീറി ക്കരഞ്ഞു .
ഒരടി പോലും ഇല്ലാത്ത ഒന്നരവയസ്സുകാരി 3 അടി മേലെ പൊക്കം ഉള്ള മേശേമേല് കയറിയതും..സ്ക്രൂ ഡ്രൈവര് പേനാക്കത്തി മൊട്ടുസൂചി മുള്ളാണി എന്നിവയുടെ ഇടയില് നിന്ന പച്ച കളറില് ഉള്ള അലങ്കാര ബള്ബ് എടുത്ത് വായില് ആക്കിയതും ഇന്നും അന്നാട്ടില് ഒരു അത്ഭുതം ആയി തുടരുന്നു ..
എന്റെ റെക്കോര്ഡ് തകര്ക്കാന് ഇത് വരെ ഒരു കുഞ്ഞിനും ആയിട്ടില്ല ..( 3 ദിവസം ചെറു നാരങ്ങയുടെ വലിപം ഉണ്ടാരുന്നു എന്റെ കുഞ്ഞി ചുണ്ടിനു എന്നാ കണ്ടൊരു പറയണേ.. ഇങ്ക് പാപ്പം പോയിട്ട് പച്ച വെള്ളം ഇറക്കാന് മേലാരുന്നു എന്ന് )
ആ ബള്ബ് ഇപോളും അച്ഛന്റെ മേശയില് സൂക്ഷിചിടുന്ദ് ..എന്റെ ആദ്യത്തെ കുറുമ്പിന്റെ ഓര്മ്മക്കായി ..
njan kanichittillalloo ithrayum kurumbu.....
ReplyDelete