- ഞങ്ങള് കുട്ടികളുടെ കുട്ടിപട്ടാളം. .. ചിരി കളി കടിപിടി എന്നീ activities ചെയ്യുന്നവര്
- ഞങ്ങളുടെ അമ്മാവന്മാരും ചിറ്റപ്പന്മാരും ചിറ്റ മാരും അമ്മായിമാരും (only bachelors and spinisters) അടങ്ങുന്ന യുവസംഘടന
- പിന്നെ ഞങ്ങളുടെ അച്ഛന് അമ്മമാരുടെ സീരിയസ് പീപ്പിള് ഒണ്ലി സംഘടന .. ഇവരാണ് സാധാരണ ചടങ്ങിന്റെ സംഘാടകര്..
- പിന്നെ അപ്പൂപന്മാരും അമ്മൂമമാരും അടങ്ങുന്ന seniors ഒണ്ലി സംഘടന ..
അങ്ങനെ ഒരു നാള് ഒരു ചടങ്ങിനു എല്ലാരും കൂടി .. കുട്ടിപട്ടാളം സാധാരണ കലപിലകലുമായി രംഗത്തുണ്ട് . ചിരിയില് തുടങ്ങി അട്ടഹാസത്തില് അവസാനിക്കുന്ന പല പരിപാടികള് അരങ്ങതുണ്ട്. ഇതിനിടെ പാചകശാലയില് നിന്ന അടിച്ചു മാറ്റുന്ന വട പഴം നുറുക്ക് എന്നിവക്കുള്ള കടിപിടിയും .. കാര്യങ്ങള് അങ്ങനെ ഉഷാറായി പോവുംബോളാണ് ബാബു ചിറ്റപ്പന് രംഗ പ്രവേശനം നടത്തുന്നത് . പുള്ളിടെ കണ്ണുരുട്ടല് കണ്ടതും ഞങ്ങള് കുട്ടി പട്ടാളം silent ആയി
അങ്ങനെ ശ്വാസം മുട്ടി ഞങ്ങള് ഇരിക്കുമ്പോ അതാ പന്തലിന്റെ മൂലയ്ക്ക് നിന്ന് ഒരു തിരയിളക്കം ..ആള്കാര് എല്ലാം ചാടുന്നു ഓടുന്നു ഒഴിഞ്ഞു മാറുന്നു..ഹേ എന്താ ഇത് എന്ന് ചോദിക്കും മുന്പേ കാരണഭൂതനെ നേരില് കണ്ടു ..കണ്ടമാത്രയില് പന്തലിന്റെ തുണേല് തുങ്ങി കയറി ഞാന് ഒരു കസേരമേല് നിലയുറപ്പിച്ചു.. ഒരെലി ..ഒരു ചുണ്ടെലി ..അവന് തലങ്ങും വിലങ്ങും ഓടുകയാണ് .
കസേരമേല് സേഫ് ആയി നിന്ന് രംഗം വീക്ഷിക്കുമ്പോ അതാ അപ്പുറത്തൊരു കസേരമേല് ബാബു ചിറ്റപ്പന് ..പുള്ളിടെ വിറ കസേരയെയും കാര്യമായി ബാധിച്ചിട്ടുണ്ട് .(കുട്ടി പട്ടാളത്തിന്റെ പ്രിന്ടില് ചിറ്റപ്പന് വിറച്ചതാണെന്ന് ആദ്യം പബ്ലിഷ് ചെയ്തെങ്കിലും പിന്നീട് ഉന്നത തലത്തില് നിന്നുള്ള ഇടപെടല് കാരണം ഈ വിറ കസേരയുടെ ബുഷ് പോയിരുന്നതിനാല് ആണെന്ന് തിരുത്തപ്പെട്ടു). ആദ്യമായാണ് ചിറ്റപ്പന്റെ ഇങ്ങനൊരു ഭാവം കാണുന്നത് . വളിച്ച ഒരു ചിരിയും വിയര്ത്ത മുഖവും.. എല്ലാത്തിലും ഉപരി അത് ഞങ്ങള് കണ്ടത്തില് ഉള്ള ചമ്മലും ..
ഞങ്ങള് ഇങ്ങനെ കണ്ണില് കണ്ണില് ആശയവിനിമയം നടത്തുന്നതിനിടയില് നമ്മുടെ വില്ലന് ..എലി എവിടെയോ ഒളിച്ചു ..ചിറ്റപ്പന് വീണ്ടും പഴയ ഭാവം കൈകൊണ്ട് കസേരയില് നിന്ന ചാടി ഇറങ്ങി ..ഇറങ്ങിയതും അവന് ആ ഹതഭാഗ്യന് എലി ചാടി വീണതും ഒപ്പം ..ചിറ്റപ്പന് ലാന്ഡ് ചെയ്തത് അവന്റെ മുകളില് ..എലി തല്ക്ഷണം കൊല്ലപ്പെട്ടു ..എലിയെ ചവുട്ടി എന്നറിഞ്ഞ നിമിഷം ചിറ്റപ്പന് വീണ്ടും രോകെറ്റ് പോലെ ചാടി കയറി കസേരമേല് ..അതിനെ എടുത്ത് കളയും വരെ ആ നില്പ് നിന്ന് വിറച്ചു..
അതോടെ അദ്ദേഹത്തിന് ഒരു പേര് ഞങ്ങള് ഇട്ടു..മൂഷിക മര്ദ്ദനന് ..
പിന്നെ എപ്പോ എവിടെ കുട്ടി പട്ടാളത്തിനെ വിരട്ടാന് ബാബു ചിറ്റപ്പന് വന്നാലും അവിടെല്ലാം ഈ പേരിന്റെ പ്രതിധ്വനികള് കേട്ടു.. അതോടെ ബാബു ചിറ്റപ്പന് ക്ലീന് ബൌള്ഡ് ..പുള്ളിയെ കൊണ്ട് പിന്നെ ഒരിക്കലും ഒരു പ്രശ്നവും ഉണ്ടായിട്ടില്ല
അകാലത്തില് വിട്ടുപിരിഞ്ഞ പരേതന് എലിക്കു ഞങ്ങള് കുട്ടി പട്ടാളത്തിന്റെ ആദരാഞ്ജലികള്..
No comments:
Post a Comment